أمتحان ماده الفيزياء للثانويه العامه 2009, يلا يا طلبه بسرعه ألحقوا

Admin · Admin عدد الرسائل: 10 تاريخ التسجيل: 05/08/2008

يلا يا ولاد بس محدش يقول انى سربت الامتحان لحسن اروح فى أبو نكله

الرقم السرى....... استماره 6 (نقل)

الاسم ـــــــــــــــــــــــــــــ السن ــــــــــــــــــــــــــــــــــ
الماده ــــــــــــــــــــــــــــ ال ICQـــــــــــــــــــــــــــــــ
ال E-mailــــــــــــــــــــــ ال passwordــــــــــــــــــــ
رقم الجلوس ـــــــــــــــــــــــــ
ملحوظه الرقم السرى هو 555 بس متقولوس لحد اتفقنا

وزاره التهويه والتهبيل
الزمن 5 اشهر من
قطاع الامتحانات
تاريخ الانتاج
يقدم

امتحان ماده الفيزياء
للمرحله الاخيره من الثانويه العالمه
دور ميعلم بيه الا ربنا دور مايو 2009

من فضلك احسلك جاوب على الاسئله التاليه

السؤال الاول
إختر الاجابه الصحيحه من بين القوسين:
-يستخدم الفولتميتر لقياس : ( النبض- السكر-فرق الجهد الكهربى - الحب)
- من المسئول عن تفجيرات 11 سبتمبر فى الولايات المتحده (بن لادن- بن الاسد - بون بون سيما)
-ما هى خطه الحكومه لانعاش الجنيه المصرى ( البوغاشه- البوغاشه - البوغاشه - ولا جميع ماسبق )

السؤال الثانى
قارن بين كل مما يلى :
- الفوتون والاليكترون من ضوء فهمك لنظريه البنوك
- الموتوسيكل والتريسكل
- العباطه واللا عباطه
- وبالمره المكروباص والتكتك

السؤال الثالث والاخير
طائره ذات محرك واحد تطير بسرعه 660 كم فى /الساعه فوق المحيط الاطلنطى سقطت الطائره فى المحيط قرب جزر الباهاماس ومات الطيار (الفاتحه على روحه) وتم تشريد اطفاله ولا حول ولا قوه إلا بالله . فإذا علمت ان سرعه الهواء 34 م /ث وعمق المحيط 1500 متر وكثافه المياه 1000 كجم/لتر2 اوجد التالى

1-موديل الطائره وتاريخ الصنع وبلد المنشأ
2- اسم رئيس جمهوريه جزر الباهاماس
3- عدد مقاعد داخل الطائره

ــــــــــــــــــــــ
ملحوظه أخيره : أى حد يبص يمينه ولا شماله هسحب وصله النت بتاعته وألفهاله حولين الورقه

بنجاح ان شاء الله